मैलो

उसको सफा मन देखेर
मनमा बस्न 
धार्मिक हुल आए
अनि उसको सोच हेरे
सोच हेरेर धेरै सोचेको निष्कर्ष गरे
उसले मतलब गरेन 
अनि सुरु गरे
उसको मनमा मैलो थुपार्न
आफ्नो आफ्नो वाक्यले ।

उनीहरू नआउँदा पनि उ सोच्दथ्यो
उनीहरू आए पनि सोच्यो
उनीहरू गए पछि पनि अवश्य सोच्नेछ 
आफ्नै संसारमा सोचमा हराई
मन्त्र मुग्ध हुन उ सिपालु छ
तर धार्मिक भक्तजनले कल्पना गर्न सकेनन ।

उसले ईश्वरको भक्ति गर्यो
अनि सोध्यो
"हे ईश्वर, मैलो भनेको के हो?"
तब ईश्वरले जवाफ दिए
"आफुले उपयोग गर्न नमिल्ने वस्तु"