झापामा २५ लाख बराबरको स्वास्थ्य सामाग्री हस्तान्तरण

झापा: हिमानी काेष झापाकी अगुवा पुनम सिंह राजवंशीकाे पहलमा अन्तराष्ट्रिय सहयाेगी संस्था "सेवा क्यानडा" तथा पाेखरा केन्द्रित सामाजिक संस्था "युथ फर सेवा" काे सहयाेगमा झापा जिल्लाको कचनकवल गाउँपालिका स्थित प्राथमिक स्वास्थ्य केन्द्र बनियानीलाई भेन्टिलेटर, पाेर्टेवल एक्स-रे, पिपिई सेट, सेनिटाईजर, सर्जिकल माक्स, अक्सिजन माक्स, ग्लाेब, एन. 95 माक्स, अक्सिमिटर, थर्मगन, लगायतकाे करिब नेपाली रूपैयाँ अठार लाख मूल्य बराबरकाे स्वास्थ्य सामाग्री उपलब्ध गराएकाे छ।

 

स्वास्थ्य सामाग्री हस्तान्तरण कार्यक्रममा गाउँपालिका अध्यक्ष अनजार आलम, उपाध्यक्ष निमसरी राजवंशी, प्राथमिक स्वास्थ्य केन्द्र बनियानीका अध्यक्ष रवि चन्द्र ओझा, युथ फर सेवाका अध्यक्ष असिल कुमार शाही, उपाध्यक्ष पर्शुराम भण्डारी, महासचिव प्रेम साकार, सचिव छेवाङ कर्मा तामाङ्ग, काेषाध्यक्ष गाेपाल गाैतम, सदस्यहरू सागर पनेरू, सन्दिप माझी, बलराम कालिकाेटे, बिष्णु काफ्ले र श्यामदास कुँवर समेतकाे उपस्थिति रहेकाे थियाे।

 

 

त्यसै गरि मेची अञ्चल अस्पताल, भद्रपुरलाई  संस्थाकाे तर्फबाट उपलब्ध गराईएकाे आई. भि. स्टेण्ड, बेड साइड लकर, पि.पि. ई. सेट, सर्जिकल माक्स, सेनिटाईजर, ग्लाेभ्स, अक्सिजन माक्स, नसल क्यानल, अक्सिजन रिजर्भ ब्याग, फ्लाे मिटर लगायतका करिब सात लाख मुल्य बराबरकाे स्वास्थ्य सामाग्री साे  अस्पतालका प्रमुख मेडिकल सुपरिटेन्डेन्ट  डा. टंक प्रसाद बारकाेटीलाई समेत  हस्तान्तरण गरिएकाे सामाजिक अगुवा पुनम सिंह राजवंशीले बताउनु भयाे। साे कार्यक्रममा मेची अञ्चल अस्पतालका शाखा अधिकृत रेखनाथ दाहाल, फार्मेसी अधिकृत दुर्गा बहादुर राजभण्डारी लगायत उपस्थिति रहेकाे थियाे।