पन्च गठबन्धनको सरकार बिकास बिरोधि कठपुतली हो - ओली

पर्दाफास / पौष १२ झापा: नेकपा एमाले अध्यक्ष केपी ओलीले वर्तमान सरकारलाई  पन्च गठबन्धनको बिकास बिरोधि कठपुतली भएको आरोप लगाएका छन् ।  एमाले गौरादह नगर कमिटि द्वारा वडा नं. ४ स्कुलचौनमा आयोजित भेटघाट कार्यक्रममा सम्बोधन गर्दै ओलीले यसो भनेका हुन् । 

एमालेको सरकारले सुरु गरेको बिकास निर्माण कार्यबाट डराएर पन्च गठबन्धनले आफु नेतृत्वको सरकार ढालेको अध्यक्ष ओलीले आरोप लगाए । 

'माधव नेपाल नामको बन्चरोले आफ्नै पार्टी चिर्न खोजेको छ, माधव नेपाल के भएको होला?', उनले प्रश्न गरे।'

गाउँमा बस्नेहरूले एमाले राम्रो बुझेका छन् तर जुन पार्टीले माधव नेपाललाई प्रधानमन्त्री बनायो, जुन पार्टीमा माधव नेपालले १५ वर्ष नेतृत्व गरे त्यही पार्टी फुटाउन बन्चरो लिएर आफैं जाइलागेको आरोपित गरे । 

माधव नेपालहरुले प्रतिगमन भन्दै लोकतन्त्र मास्ने काम गरेको आरोप लगाए । 

'उहिले उहिले ६० वर्ष पुगेका वृद्धलाई कम्युनिस्टले गोलि हानेर मार्छन् भन्ने आरोप खेप्नु पर्थ्यो अहिले त्यो आरोप सुन्नु परेको छैन, २०५१ सालमा हामीले वृद्ध भत्ता सुरु गर्दा कनिका छरेको आरोप लगाइन्थ्यो तर अहिले जेष्ठनागरिक, एकल र अपांगता भएकाहरूले प्रती महिना ४००० थाप्न थाली सकेका छन्, यो सम्भव भएको एमालेकै कारणबाट हो ।', ओलीले भने। 
 
'हामीले १ लाख सम्मको स्वास्थ्य बिमा सन्चालन गर्यौं, खाता समेत आफैंले खोली दिएका छौं । विपन्न आवास कार्यक्रम हाम्रै पार्टीको सरकार बाट सम्भव भएको हो ।', ओलीले थपे । 

'एमालेलाई गलत भन्नेहरु मुखमा ताला लगाउन बाध्य छन् ।'

'ग्रामीण सडकहरु पक्की सडकमा रुपान्तरण भएका छन्, जताततै पुल र कलबर्ट बनेका छ्न्, बिकास निर्माणले तिब्रता पाएको छ।', उनले बताए । 

'नेकपा एमालेले बिकासको लहर सृजना गरेको छ, भारतको एउटा बन्दरगाह प्रयोग गर्ने नेपालले अहिले चीन संग पारवहन सन्धि गरेपछि चिनियाँ बन्दरगाह पनि प्रयोग गर्न सकिएको छ र अहिले चीन र भारत गरि ४ वटा बन्दरगाह प्रयोग गर्न थालिएको छ।'

'आर्थिक रूपमा हामी हिजो निकै पछाडि थियौं, धेरैनै बिदेशी सहयता लिनु पर्थ्यो, अहिले हामी सक्षम बन्दै गएका छौँ ।'

'थुप्रै नयाँ नयाँ बिद्यालय बनाउदै गएका छौँ, बिकासको गति तिब्र भएको छ, स्वास्थ्य केन्द्र निर्माण गर्दैछौँ, कृषिमा आधुनिकीकरण योजना र त्यसलाई कार्यान्वयन गर्न प्रधानमन्त्री कृषि आधुनिकीकरण योजना हाम्रै पार्टीको देन हो, राष्ट्रपति महिला उत्थान कार्यक्रम, राष्ट्रपति शैक्षिक जागरण कार्यक्रम, पुर्वाधार विकास कार्यक्रम, राष्ट्रपति चुरे संरक्षण कार्यक्रम जस्ता कार्यक्रमहरु हामीले सन्चालन गरेका छौँ।'

आज सहरहरूमा अनाथ भएका, अभिभावक विहिन बालबालिकाले खाते भएर हिन्नु परेको छैन, सबै कुराको प्रबन्ध सरकारले गरेको छ । 

जनताका समस्या सम्झिनका लागि नेकपा एमालेको सरकार चाहिन्छ नेपालमा।

'सेना, प्रहरी र सिपाहीहरु श्रेणीविहिन अवस्थामा थिए, २०५१ सालमा मैले गृहमन्त्री हुँदा श्रेणी बिभाजन गरेको थिएं ।', ओलीले स्मरण गरे । 

'कोभिडको अत्यन्तै प्रतिकुल अवस्थामा कर्मचारीको तलब २५ प्रतिशतले र मजदुरको तलब ४० प्रतिशतले हाम्रै सरकारको पालामा बढाइएको थियो ।'

विकासको हिसाबले भन्ने हो भने विश्वका तिब्र आर्थिक विकास गर्ने १० मुलुक मध्येमा नेपाल पनि परेको छ यहि कारण विश्व वैंकले नेपाललाई  राइजिङ स्टार अफ साउथ एसिया  अर्थात राइजिङ स्टार अफ साउथ एसिया भनेर हाम्रो देशलाई सम्मान गरेको छ । 

बालबालिका र सामाजिक जागरणको क्षेत्रमा, कुरिती र कुसंस्कारका विरुद्ध नेकपा एमालेले चलाएको अभियान र त्यसले प्राप्त गरेका उपलब्धिहरु प्रसंसनिय छन् । बाल शिक्षाको सम्बन्धमा, बिद्यालय भर्ना सम्बन्धमा हामीले गरेको प्रगति असाधारण छ, गरिबी निवारणको सम्बन्धमा २२ प्रतिशत निरपेक्ष गरिवीको रेखामुनि रहेको नागरिकको सम्बन्धमा हामीले असाधारण काम गरेका छौँ ।

'महारानी झोडाको जग्गा सम्बन्धि समस्यामा मेरो नेतृत्वको सरकारले ९५ प्रतिशत काम सम्पन्न गरेपछि सरकार ढालियो, गठबन्धन सरकारले सबै काम लथालिङ्ग बनाइदियो ।', उनले भने । 

'तपाईंहरु चिन्ता नगर्नुहोस्, निर्वाचन पछि हामी पुनः सत्तामा जाने छौं अनि झोडाबासीका घर घरमा धनीपुर्जा पुर्याइदिने छौँ ।', ओलीले आश्वासन दिए ।