राप्रपाबाट निर्वाचित अध्यक्ष श्रेष्ठले निजि खर्चमा बनाए बगाहा चाैधरी महाराजकाे शालिक

पर्दाफास/ पौष १७ /झापा: गाैरीगंज गाउँपालिका वार्ड नं. २ मा बगाहा चाैधरी महाराजकाे शालिकको अनावरण भएको छ । गाैरीगंज गाउँपालिकाका अध्यक्ष बाबुराजा श्रेष्ठले एक औपचारिक कार्यक्रमका विच शालिक अनावरण गरे।

 

अध्यक्ष श्रेष्ठले आफ्ना दिवंगत माता/ पिताका नाममा आफ्नै व्यक्तिगत खर्च बाट शालिक बगाहा चाैधरी महाराजकाे निर्माण गराएका हुन् ।

गत स्थानिय निर्वाचनमा अध्यक्ष पदको उम्मदेवारी दिदै गर्दा अध्यक्ष श्रेष्ठले आफु अध्यक्षमा निर्वाचित भएमा सरकारी सेवा सुबिधा नलिने घोषणा गरेका थिए।  

 

 

राष्ट्रिय प्रजातन्त्र पार्टीबाट भारी मत सहित गाउँ पालिका अध्यक्षमा निर्वाचित भएका श्रेष्ठ गौरिगंजका पुराना र स्थापित व्यवसायी समेत हुन्।  

आफ्नो पार्टी सरकारमा नभएता पनि उनको कार्यकालमा विकासको गतिमा गौरिगंजले तिब्र फड्को मारेको पाइञ्छ।  

 

 

 

गाैरीगंज गाउँपालिका वार्ड नं. २ बगाहा चाैधरी बजार दक्षिण छेउमा निर्माण गरिएकाे बगाहा चाैधरी महाराजकाे स्तम्भ स्थापना गर्न ५ लाख २५ हजार रूपैयाँ खर्च भएकाे बताइएको छ।