संगठन कमजोर रहेको झापा गाउँपालिकामा एकैपटक २०० युवाको राप्रपा प्रवेश (फोटो फिचर)

झापा: सांगठनिक हिसाबमा कमजोर मानिएको झापा गाउँ पालिकामा एकैपटक २०० युवा सहितको टोली राप्रपामा प्रवेश गरेको छ । अध्यक्ष निर्वाचित भए पछिको  राजेन्द्र लिङ्देनको दोश्रो झापा दौडाहामा झापा गाउँपालिका युवाहरूको जम्बो समूह एकैपटक राप्रपामा प्रवेश गरेका हुन् । 

नव प्रवेशी अधिकांश युवा छन् । उनिहरुले आफुहरु राप्रपा प्रवेश गर्नुको आशय व्यक्त गर्दै भनेका छन्- 'देश बर्बाद भएको टुलुटुलु हेर्न नसकिने रहेछ, राष्ट्र, राष्ट्रियता र भौगोलिक अखण्डतालाई जोगाउन राजेन्द्र लिङ्देनले नेतृत्व गर्नुभएको पार्टी राप्रपालाई विश्वास गरेर साथ दिएका हौं।'

पार्टी प्रवेश कार्यक्रमलाई सम्बोधन गर्दै अध्यक्ष लिङ्देनले कांग्रेस, एमाले र माओबादीले मिलिमिली देश लुटेको बताए। 

सबैतिर भ्रष्टाचार व्याप्त छ, गणतन्त्रको नाम लिएर लुटतन्त्र हावी छ, अब हामी चुप लागेर बस्न सक्दैनौं । 

अध्यक्ष लिङ्देनले राजनीतिलाई व्यापार र पेशा सम्झनेहरु विरुद्ध आफ्नो आन्दोलन केन्द्रित भएको बताए ।

कमजोर संगठन भएको झापा गाउँ पालिकामा आजबाट नयाँ आशा सृजना भएको राप्रपा झापा जिल्ला अध्यक्ष केशब ओझाले बताएका छन् । 

'झापा गाउँपालिकामा सांगठनिक रूपमा हामी निकै कमजोर थियौं, आज भएको भब्य पार्टी प्रवेशले नयाँ आशा जगाएको छ।', लिङ्देन सँगै झापा गाउँपालिकामा नव पार्टी प्रवेशीलाई स्वागत गर्न पुगेका जिल्ला अध्यक्ष ओझाले पर्दाफास संग भने । 

'अध्यक्ष ज्यूको देश दौडाहा अभियानले महत्त्वपूर्ण संदेश दिन शुरु गरेको छ, हामी बलियो शक्तिमा रुपान्तरित हुँदैछौँ।', जिल्ला अध्यक्ष ओझाको भनाई रहेकोे छ ।