निर्वाचन आयोगको कदम विरुद्ध लिङ्देनको गृह जिल्लामा टेम्पो र्‍याली

झापा: निर्वाचन आयोगले पुर्वाग्रहीपूर्ण तवरले राष्ट्रिय प्रजातन्त्र पार्टीको बिधान संशोधन गर्न निर्देशन दिएको बिरोधमा आज झापामा प्रदर्शन गरिएको छ । राष्ट्रिय प्रजातन्त्र पार्टी निकट ट्रेड युनियन महासंघ आवद्ध टेम्पो चालकहरुले उक्त कार्यको भत्सर्ना गर्दै बिरोध र्‍याली आयोजना गरेका हुन् । 

 

राप्रपा निकट टेम्पो चालकहरुले कालो पर्दामा लेखिएको ब्यानर सहित निर्वाचन आयोगको विरुद्ध सडक र्‍याली निकालेका थिए ।

राप्रपा जिल्ला पार्टी कार्यालयबाट शुरु भएको र्‍याली नगरपरिक्रमा गर्दै टुकोन कार्यालयमा पुगेर कोण सभामा परिणत भएको थियो ।

 

 

उक्त अवसरमा  ट्रेड युनियन महासंघ (टुकोन) प्रदेश १ अध्यक्ष हर्क थुगिमले निर्वाचन आयोगले असंवैधानिक निर्देशन दिएको त्रुटिपूर्ण कदम तत्काल सच्याउन आग्रह गरेका थिए। 

सो अवसरमा टुकोन प्रदेश १ सदस्य प्रवीण रिमाल, टुकोन झापा अध्यक्ष श्रीप्रसाद चौधरी लगायतले कोणसभामा सम्बोधन गरेका थिए। 

आयोगले आफ्नो त्रुटि नसच्याए निर्णयात्मक आन्दोलन गर्न आफुहरु तयारी रहेको टुकोन पदाधिकारीहरुले बताएका छन् ।

 

जिल्ला टेम्पो मजदुर संगठनको प्रथम जिल्ला अधिवेशन सम्पन्न 

झापा: राष्ट्रिय प्रजातन्त्र पार्टी निकट ट्रेड युनियन महासंघ (टुकोन) आवद्ध टेम्पो मजदुर संगठनको प्रथम जिल्ला अधिवेशन सम्पन्न भएको छ । राप्रपा झापा जिल्ला अध्यक्ष केशव प्रसाद ओझाको प्रमुख आतिथ्यतामा सम्पन्न भएको कार्यक्रममा भोजराज कार्कीको अध्यक्षतामा ३१ सदस्यीय जिल्ला कार्यसमिति गठन गरिएको छ।

बिर्तामोड स्थित जिल्ला पार्टी कार्यालयमा आयोजित अधिवेशन कार्यक्रममा टुकोन प्रदेश १ अध्यक्ष हर्क थुगिम, प्रदेश १ सदस्य  प्रवीण रिमाल, हल्दिबारी गापा अध्यक्ष रबिन्द्र लिङ्देन समेतको उपस्थिति रहेको थियो। झापामा करिब ३०० को हाराहारीमा टेम्पो मजदुरहरु राप्रपा आवद्ध रहेको जिल्ला अध्यक्ष केशव प्रसाद ओझाले बताए ।