गौरादहमा राप्रपाको चुनावी चहलपहल, दिनहु जसो पार्टी प्रवेश (फोटो फिचर)

झापा: राष्ट्रिय प्रजातन्त्र पार्टी गौरादहले आसन्न स्थानीय निर्वाचनको चुनावी अभियान तिब्र बनाएको छ। राप्रपा अध्यक्षमा राजेन्द्र लिंग्देन विजयी भए संगै सांगठनिक रूपमा बलियो बन्दै गएको गौरादहमा उम्मेद्वार चयन र निर्वाचन प्रचारप्रसारलाई एकैसाथ अगाडी बढाउन कृयाशिलता देखाईएको हो। 

 

वडा न. ३ मा २१ सदस्यीय युवक संगठन गठन 

प्रारम्भिक चरणको चुनावी अभियानमा वडा नं. ३ मा युवा भेला सम्पन्न गरिएको छ । भेलाले दिपेश भारतीको संयोजकत्व र अर्जुन कार्कीको सह संयोजकत्वमा २१ सदस्यीय युवक संगठन गठन गरिएको बताइएको छ।  

 
आज पनि पार्टी प्रवेश 

युवा संगठन गठन संगै वडा न. ३ बाट दर्जन बढी स्थानियहरु कांग्रेस, एमाले र माओबादी केन्द्र परित्याग गरि राप्रपा प्रवेश गरेका छन्।  
नव प्रवेशीहरुलाई केन्द्रिय सदस्य अम्बर विष्ट,  वाणिज्य विभाग प्रमुख लक्ष्मी प्रसाद संग्रौलाले स्वागत सम्मान  गरेका थिए।  

 

वडा न.  ७ मा उम्मेद्द्वार चयन 

यसैगरी वडा न ७ स्थित कंचनजंघा मा वी मा आयोजित वडा भेलाले स्थानिय निर्वाचनको लागि उम्मदेवारहरु प्रस्तावित नामावली चयन गरेको छ।  वडाले तय गरेको उम्मेद्वारीको प्रस्तावित सुची अनुसार वडा अध्यक्षमा अम्बर विष्ट, श्री तामाङ, भरिपूर्ण राई र टेक प्रसाद अधिकारी तथा सदस्यमा जीवन अधिकारी  (अन्य सदस्यको नामावली प्राप्त नभएको) रहेका छन् ।