गौरादहमा नेकपा एमालेको  चुनावी अभियान तिब्र (फोटो फिचर)

झापा:  निर्वाचन नजिकिदै जाँदा गौरादहमा नेकपा एमालेले प्रचारप्रसार अभियान तिब्र बनाएको छ।  एमालेका तर्फबाट  मेयर पदका प्रत्यासी उम्मेदवार छात्रपती सुबेदी  र उपमेयर पदका जलवर्षा राजवंशी सहितको टोलीले ९ वटै वडामा सशक्त रुपमा  प्रचारप्रसार अघि बढाएको बताइएको हो। 

पार्टीका विभिन्न तहका नेता कार्यकर्ता सहित उम्मेदवारहरुको टोलीले उच्च मनोवलका साथ घरदैलो अभियानलाई तिब्रता दिएको बताइएको छ।    
गत निर्वाचनमा मेयर पद सहित ३ वटा वडाअध्यक्ष गुमाएको एमालेले यो पटक सबै पदमा जित हात पार्ने दावी गर्दै प्रचारप्रसार अभियानलाई  तिब्रता दिएको मेयर पदका उम्मेदवार छात्रपती सुवेदीले बताए।  

'हामीले गत निर्वाचनमा विजय प्राप्त गरेको र गुमाएको सबै स्थान सुरक्षित गर्ने अभियान साथ प्रचारप्रसार अभियान अगाडी बढाएका छौं।', सुवेदीले भने।'  
नगरको विकास निर्माणका कार्य एमाले बाहेक अन्य कुनै शक्तिले गर्ने नसक्ने नेता सुवेदीले दावी गरेका छन्। 
'विगत ५ वर्षको अवधीमा हामीले गौरादहलाई सम्रिद्द नगर बनाउन निकै धेरै काम गरिसकेका छौं, अधुरा काम पुरा गर्न र दिर्घकालिन योजनाहरु संचालन गर्नकै लागि पनि हामीले नेतृत्व गर्नु आवश्यक छ।', पर्दाफास संग कुरा गर्दै  नेता सुवेदीले भने । 

 

फोटो फिचर