अन्तिम सोमबार मोक्षेश्वर शिवालयमा भक्तजनको घुइँचो, हिमालयन टाइगर र लायन्स क्लबद्वारा प्रसाद वितरण
प्रकाशित मिति : श्रावन २५ २०८३,सोमबार
गौरादह । श्रावण महिनाको अन्तिम सोमबार गौरादह नगरपालिका–१ स्थित मोक्षेश्वर शिवालय मन्दिरमा दर्शन गर्न आएका भक्तजनलाई प्रसाद वितरण गरिएको छ।
क्लब हिमालयन टाइगर गौरादह र लायन्स क्लब अफ गौरादहको संयुक्त आयोजनामा मन्दिरमा दर्शन गर्न आएका १२० भन्दा बढी भक्तजनलाई प्रसाद वितरण गरिएको हो।
श्रावण महिनाको अन्तिम सोमबार भगवान् शिवको दर्शन तथा पूजाआराधनाका लागि मन्दिरमा आएका भक्तजनलाई लक्षित गरी प्रसाद वितरण कार्यक्रम आयोजना गरिएको आयोजकले जनाएको छ। धार्मिक आस्थाका साथ मन्दिर पुगेका भक्तजनलाई सहज रूपमा प्रसाद उपलब्ध गराउने उद्देश्यले कार्यक्रम गरिएको हो।
कार्यक्रममा मन्दिर व्यवस्थापन समितिका अध्यक्ष मेषबहादुर बिष्ट, सचिव रामकाजी कटुवाल लगायत पदाधिकारी तथा सदस्यहरूको सहयोग रहेको थियो।
आयोजक संस्थाले कार्यक्रम सफल बनाउन सहयोग गर्ने मन्दिर व्यवस्थापन समिति, क्लबका पदाधिकारी तथा सदस्यहरू र उपस्थित सम्पूर्ण भक्तजनप्रति आभार तथा धन्यवाद व्यक्त गरेको छ।
श्रावण महिनाको अन्तिम सोमबार भएकाले मोक्षेश्वर शिवालयमा बिहानैदेखि भक्तजनको उपस्थिति उल्लेख्य रहेको थियो। धार्मिक आस्थासँगै सामाजिक सेवाको भावनालाई जोड्दै गरिएको प्रसाद वितरण कार्यक्रमले भक्तजन र आयोजकबीच आत्मीयता समेत बढाएको सहभागीहरूले बताएका छन्।
धर्मसँगै सेवा र सामाजिक उत्तरदायित्वलाई प्राथमिकता दिने उद्देश्यले गरिएको यस्ता कार्यक्रमले स्थानीय धार्मिक स्थलको महत्त्व र सामुदायिक सहभागितालाई समेत थप उजागर गरेको छ।
प्रतिक्रिया
