काठमाडौं । नेपालमा दर्ता नभएका सामाजिक सञ्जाल बन्द गर्ने सरकारको निर्णयप्रति सत्तारुढ दल नेकपा एमालेकै सांसद गोकुल बास्कोटाले असहमति जनाएका छन्।

बास्कोटाले सामाजिक सञ्जालमार्फत प्रतिक्रिया दिँदै भने, “नियमनको प्रविधिको प्रबन्ध मिलाउने र कानुन बनाउने भनेको थिएँ मैले। तर सरकारले त उत्तर कोरिया पो बनाउने भएछ। बिकृति अन्त्य गर्न सूचनामा विर्को लगाउने हैन नि।”

उनका अनुसार सामाजिक सञ्जालको दुरुपयोग नियन्त्रण गर्न कानुनी र प्राविधिक उपाय आवश्यक भए पनि सूचनामाथि प्रतिबन्ध लगाउनु उपयुक्त समाधान होइन।

बास्कोटाले सरकारले सूचनामाथि नियन्त्रण लगाएर होइन, सुव्यवस्थित नीति र कानुन बनाएर सामाजिक विकृति अन्त्य गर्नुपर्नेमा जोड दिए।

यसअघि आजै सञ्चार तथा सूचना प्रविधि मन्त्रालयले फेसबुक, एक्स (ट्विटर), युट्युबलगायतका लोकप्रिय सामाजिक सञ्जाल नेपालमा बन्द गर्ने निर्णय गरेको थियो।