काठमाडौं । रसुवाको भोटेकोशीमा आएको विनाशकारी बाढीका कारण हालसम्म १ हजार १ सय २७ जनाको शव फेला परेको छ।

नेपाल प्रहरीका अनुसार बुधबार बिहान ५ बजेसम्म फेला परेका शवमध्ये रसुवामा ४५, नुवाकोटमा १५५, धादिङमा ५९, चितवनमा ३४८, गोरखामा ६६, तनहुँमा ३८, नवलपरासी पूर्वमा २१७, नवलपरासी पश्चिममा १९० र भारतमा ९ वटा शव फेला परेका छन्।

फेला परेका शवमध्ये १ हजार १ सय १३ जनाको लाशजाँच मुचुल्का सम्पन्न भएको प्रहरीले जनाएको छ। हालसम्म ९५ वटा शव आफन्तलाई बुझाइएको छ।

पहिचान हुन नसकेका ९ सय ११ शवको विवरण नेपाल प्रहरीले आफ्नो वेबसाइटमा सार्वजनिक गरेको छ।

बाढी प्रभावित क्षेत्रमा उद्धार, खोजी, राहत वितरण तथा शव व्यवस्थापनका लागि हालसम्म ७ हजार ९ सय १२ प्रहरी कर्मचारी परिचालन गरिएको छ।

बाढी प्रभावित क्षेत्रबाट अहिलेसम्म ६ हजार ५ सय ४१ जनाको उद्धार गरिएको छ भने ४ हजार ८ सय ५८ जना अझै बेपत्ता रहेको प्रहरीले जनाएको छ।

प्रहरीले बाढीको जोखिममा रहेका परिवारलाई सुरक्षित स्थानमा सार्ने, बेपत्ताको खोजी तथा उद्धार गर्ने र विभिन्न ठाउँमा अवरुद्ध सडक खुलाउने कामलाई निरन्तरता दिइरहेको छ।

स्थानीयवासी तथा विभिन्न सरकारी निकायसँग समन्वय गरेर खोजी तथा उद्धार कार्य भइरहेको प्रहरीले जनाएको छ।