पूर्वी नाकाबाट १५ करोड रुपैयाँको खुदो बङ्गलादेश निर्यात
भारतले बङ्लादेशमा खुदो निर्यात गर्दा ५० प्रतिशत कर लगाएसँगै नेपालबाट यसको माग बढेको व्यवसायी एवम् क्लियरिङ एजेन्ट नवीन दाहाल बताउनुहुन्छ । उहाँका अनुसार आउँदा दिनमा नेपालबाट खुदो बङ्गलादेश निर्यात हुने क्रम थप बढ्न सक्ने सम्भावना छ । आउँदो कात्तिक/मङ्सिरदेखि उखु पेल्न शुरू भएसँगै ठूलो मात्रामा खुदो बङ्गलादेश निर्यात हुने व्यवसायी दाहालको भनाइ छ ।
चालू आर्थिक वर्षको भदौ दोस्रो हप्तासम्म तीन हजार पाँच सय ५५ दशमलव ६ मेट्रिक टन अर्थात् पाँच करोड ३१ लाख ९७ हजार रुपैयाँ बराबरको खुदो बङ्गलादेश निर्यात भएको छ ।
नेपाल पारवहन तथा गोदाम व्यवस्था कम्पनीका प्रमुख पाण्डेका अनुसार नेपालको पूर्वी नाका काँकडभिट्टाबाट भारतको पश्चिम बङ्गालको फूलबारी, बङ्गलादेशको उत्तरी नाका बङ्गलाबन्ध हुँदै बङ्गलादेशसँग व्यापार हुँदै आएको छ ।
प्रतिक्रिया