काठमाडौं — भारत प्रशासित कश्मीरको जम्मु सहरस्थित विमानस्थलमा विस्फोट भएको अन्तर्राष्ट्रिय सञ्चारमाध्यमहरूले जनाएका छन् । समाचार संस्था एएफपीले सुरक्षा स्रोतलाई उद्धृत गर्दै जम्मु विमानस्थलमा श्रृंखलाबद्ध विस्फोटहरू भएको जानकारी दिएको हो ।

भारत र पाकिस्तानबीचको ताजा सैन्य तनावका बीचमा भएको यो घटना थप चिन्ताजनक रूपमा हेरिएको छ । विस्फोटको कारण र क्षतिको विवरण हालसम्म स्पष्ट भइसकेको छैन, तर सुरक्षा संयन्त्रलाई उच्च सतर्क अवस्थामा राखिएको बताइएको छ ।

भारत–पाकिस्तानबीचको बढ्दो द्वन्द्व र यसै क्रममा देखिएका सैन्य गतिविधिहरूले दक्षिण एशियाली क्षेत्रको शान्ति र स्थायित्वमा गम्भीर प्रश्न खडा गरेका छन् ।

पूर्ण समाचार पढ्न यहाँ क्लिक गर्नुहोस्:
विस्तृत पढ्नुहोस्