फुलचोकी जङ्गलमा हराएका १३ जनाको उद्धार
प्रकाशित मिति : पौष ०९ २०८१,मंगलबार
हिजो दिउँसोदेखि बाटो भुलेर जङ्गलमा हराइरहेकाको उद्धार भएको जिल्ला प्रहरी कार्यालय ललितपुरका सूचना अधिकारी प्रहरी उपरीक्षक नवरत्न पौडेलले जानकारी दिनुभयो ।
हराएका छुट्टाछुट्टै दुई समूहका १३ जना हिजो अबेर राति फोन सम्पर्कमा आएपछि उद्धार भएको उहाँले बताउनुभयो ।
ललितपुरको गोदावरी नगरपालिका–३ फुल्चोकीमा हाइकिङका लागि गएका सात जनाको एक समूह र छ जनाको अर्को समूह छोटो दूरीको बाटो भन्दै फर्कने क्रममा हराएका थिए ।
हराएका दुवै टोली सही मार्ग खोज्ने क्रममा एक आपसमा भेट भएका थिए । हराउनेमध्ये १० जना युवा र तीन युवती रहेका प्रहरीले जनाएको छ ।
प्रतिक्रिया
